اوښکه دشبنم شومه په ګل دسحرپریوتم

ستړی ستړی څه په غیږکې ستادنظرپریوتم

ستادلوپټې سیوري مې تاته درستانه کړه نن

زه دماذیګرنمرپه طرف دګودرپریوتم

نن خودې اوچت کړمه آسمان ته په یوه خندا

تندرشومه بیادرقیبانوپه سرپریوتم

اوس چې دې باڼه راسره هرڅه کوي ښه کوي

زه راتلم راتلم دقاتلانوپه درپریوتم

ستادضدغرورماتول ټوقه نه وه ګرانه وه

ځکه دې بې هوشه دراتلوپه خبرپریوتم

ته شوې پسرلی زه دګلونودشیبوباران

ته زماپه زړه  زه ستادزلفوپه غرپریوتم