چې استبداد و، هغه لا ښه و
پاچا جلاد و هغه لا ښه و
په انتقاد کې به مو تاثیر و
څک به وجدان و، څک به ضمیر و
چې د قمچینې وار به یې وکړ
ته وا کوم ډېر بد کار به یې وکړ
هلته د نقد تورم نه و
نقد وو تندر، څه خردٌم نه و
اوس خو له ډېره ډېره تکراره
هیڅ پاتې نه دي د چا لپاره
هره خبره، یو ځلې شوې
که څه هم نه ده، لا پلې شوې
زور یې وتلی دی تر خبرو
خبرې نه دي په تول د زرو
چې پخوا کار و، د سیاسرو
اوس مشغلا ده د منورو
اوس انتقاد هم اوس یو دمه ځای دی
انتقاد خپله د کیسې پای دی
اوس په سکوت کې زور پیدا شوی
اوس په چپتیا کې شور پیدا شوی
خبره بلرنګه ده روانه
خوله دې در وګرځوه جانانه
چې استبداد و، هغه لا ښه و
پاچا جلاد و هغه لا ښه و
په انتقاد کې به مو تاثیر و
څک به وجدان و، څک به ضمیر و
چې د قمچینې وار به یې وکړ
ته وا کوم ډېر بد کار به یې وکړ
اوس چې وژونکی خپل لغت وایي
نو پر خپل جرم هم لعنت وایي
هلته د نقد تورم نه و
نقد وو تندر، څه خردٌم نه و
اوس خو له ډېره ډېره تکراره
هیڅ پاتې نه دي د چا لپاره
هره خبره، یو ځلې شوې
که څه هم نه ده، لا پلې شوې
زور یې وتلی دی تر خبرو
خبرې نه دي په تول د زرو
چې پخوا کار و، د سیاسرو
اوس مشغلا ده د منورو
اوس انتقاد هم اوس یو دمه ځای دی
انتقاد خپله د کیسې پای دی
اوس په سکوت کې زور پیدا شوی
اوس په چپتیا کې شور پیدا شوی
خبره
