غزل

ذبيح الله احساس

بنګړو سره مستي كه زولنو سره غورځنګ

يه ځوانه ته به غواړي له كوم شرنګ سره ژوندون

 

زما د لوى كاله د ګلالي پېښور ياره

درځمه او كوم تا غنمرنګ سره ژوندون

 

بابا اوس د غيرت تعريف په نورو كرښو كېږي

بابا لږ راته وښايه اورنګ سره ژوندون

 

يو خان د پېښور به  راشي لاس به ورته اوږد كړي

كوي به د لرغوني بلخ ملنګ سره ژوندون

 

اوس پوه دي ستا د تورې كلا سيوري نه جګېږي

راځي راته پرېږدي به ستا قلنګ سره ژوندون

د مرغومي ۳مه، ۱۳۹۰لمريز

پښتونخوا