پوښتنه: آيا يو مسلمان ته جايزه ده چې کافر ته پاک قرآن ډالۍ کړي په دې هيله چې ګوندې اسلام ته رامايل شي؟
ځواب: کافر ته د قرآن کریم هديه کول ناجايز کار دی، ځکه چې کافر سړی پاک نه ګڼل کېږي، او قرآن کریم ته باید ناپاک او نجس سړی (که هغه مسلمان هم وي) لاس ورنه وړي. دا حکم د فقهاوو په هغې خبرې قیاسېږي چې وایي په کافر باندې د قرآن کریم خرڅول ناروا دي.
خو د نورو داسې دیني کتابونو ډالۍ کول ورته جایز دي چې د اسلام په پېژندنه کې ورسره لاس کولی شي، او د دې امکان وي چې پرې اسلام ته رامات شي.
كه په دغو کتابونو کې ځینې ايتونه هم خوندي وي باک یې نشته، ځکه چې قرآن ورته نه شو ویلی، بلکې تعلیمي کتابونه دي او بس، په تېره بیا چې موخه پکې اسلام ته د کافر دعوتول وي.
29.03.2008
- نبراس الحق عزيز
پوښتنه: آیا د یو سړي او یوې ښځې ترمینځ د انټرنټ له لارې داسې مرکه چې جنسي غوښتنې راپاروي، زنا ګڼل کېږي؟، او له دې ګناه څخه د خلاصون لاره څه ده؟
ځواب: د پردۍ ښځې او پردي سړي ترمینځ غیر اخلاقي خبرې ناروا دي، او یوې لویې ګناه ته لمن وهل دي، او باید چې دواړه له خدایه بښنه وغواړي.
د خلاصون لاره یې توبه ويستل، دغه کار بیا نه تکرارول، او د استغفار او نېکو کارونو زیاتول دي....
29.03.2008
- نبراس الحق عزيز
خپګان په څه؟
یو عالم په يو سړي باندې تېرېده چې په مخ کې يې د خپګان او غم نښې له ورايه ښکارېدې، نو ورته يې وويل: زه درڅخه د درېوو څيزونو پوښتنه کوم ځواب به يې راکوې:
آیا په ګرده نړۍ کې د الله جل جلاله له غوښتنې پرته کوم کار کېدونکی دی؟
سړي وويل: نه.
بیا يې پوښتنه وکړه: آیا هغه روزي چې الله جل جلاله درته ليکلې وي کمېدی شي؟
سړي...
