غزل
د ژوند پېغور څنګه وي پوهه مې کړه
یاره غمخور څنګه وي پوهه مې کړه
یک و تنها خو د رڼا علامت
یاره نور تور څنګه وي پوهه مې کړه
بلبل ،فریاد ازغي ارغي رقیبان
یاره د ا شور څنګه وي پوهه مې کړه
ستوري،سپوږمۍ ګل و سنبل همرکاب
یاره شهزور څنګه وي پوهه مې کړه
سکڼې ماښام سېلونه ځالو ته ځي
یاره خپل کور څنګه وي پوهه مې کړه
دغه د شمار شپې مې و نه شمارلې
یاره چې ګور څنګه وي پوهه مې کړه
درد د تېرو یوه نامه بلوم
یاره ټکور څنګه وي پوهه مې کړه
وایې چې هلته په ویالو بهیږي
یاره مېخور څنګه وي پوهه مې کړه
غم خوشالي سم د یو بل قاتلان
یاره خور ورور څنګه وي پوهه مې کړه
د رڼاګانو ښار کې شپه نه راځي
یاره شب کور څنګه وي پوهه مې کړه
د ژوندانه زهر کمی نه کوي
یاره دا پور څنګه وي پوهه مې کړه
امان اپریدی کراچۍ
