غــــــــــزل
په کوم ګودر،په کوم سنګر باندې بیا اودریدمه
دچا دیادڅــــــــــــــــلي ته لاس په دوعا اودریدمه
داسې غــــمونه مې پټ خوري چې د ویلو نه دي
په داسې حال شوم چې بیخي وارخطا اودریدمه
ستا د وجود خوشبو دکوم ښکلي نه وغواړمه
په ډک بـــــازارکې فکر یوړم ، تنها اودریدمه
زه خپلو ورونو د ثــــــــــواب په نیت وژلی یمه
ماهم شهید کړو ځان د خدای په رضا اودریدمه
هلته به څوک کوي همزولو ته زمــــــــــا خبرې
ستا د وطن په طرف ګورم اشــــــــنا اودریدمه
چې په یارانو جمود خور شو،په تیارو کې ورک شول
زه د رڼا په لټــــــــــــــــــون لاړم ،جُدا اودریدمه
طاهره! داســــــــې دې چېچلې یم یادونو بېګا
کله به ناســــــــــــــــته ؤم او کله به بیا اودریدمه
طاهربونیری
اپریل 22 کال 2003 طارق روډ کراچۍ
