غــــــــــــــــــــــــــــــــــــــزل
دا خپلې مټې ګاڼه ږدو،دا خپل سرونه ګاڼه
خو درکــــــــــوی نه شو قلم او نه خوبونه ګاڼه
مونږ سره هر سوداکونکی تاوان نه دی کړی
مونږ د صدو په نېټه ږدو مشــــــــــقتونه ګاڼه
څومره بې رنګه خوشفهمۍ کې زندګی تېروم
خېمه زما خو د خېــــــــمې ټول طنابونه ګاڼه
کال په کال داسې نېستۍ،داسې حادثې راغلی
شی د زلمو ګُـــــتې ، د پېغلو پېزوانونه ګاڼه
د ښاریې د کفـــــــــــــــنونو سوداګرو له بیا
ورکړل بلها ګُلــــــفروشانو دوکانونه ګاڼه
تسنیمه! مونږه یو بې شکه د سبا مجرمان
چې مو دخپلو بچو هم کړه نصیبونه ګاڼه
ریاض تسنیم کراچۍ
