بې حـــــــــــــــــسی


په توره شپه کې د لیتکی رڼا زمونږ په چم کې
نه نه دا خوب دی
حقیقت نه دی
دا نشی کیدی
مونږ په تیاروکې مېشته خلق
دتیارو طرفدار
دتیارې توره قبا څنګه په رڼا شلوی شو
مونږ دتیارو سره عادت یو
په تیارو کې اوسو
نو د رڼا په شغلو سترګې بریښوی نه شو
او دشغلو په رڼا سترګې ړوندوی نه شو
زمونږه خپلی سترګی خوښې دسرونو په شان
ځکه خو وایمه
دا خوب دی
حقیقت نه دی
دا نشی کیدی
په توره شپه کې دلیتکی رڼا زمونږ په چم کې
باچاحسین شاکر کراچۍ