له ټولو ګرانو شاعرانو او ادیبانو څخه هیله کوم چې د سولې په دې مشاعره کې ګډون وکړي او د لاندې غزل په طرح خپل غزلونه او نظمونه دلته خوندي کړي.
په افغانستان کې د سر تاسري سولې په هیله
غزل
له خندا وي په ملا ماته شین خالۍ
مینه مینه، شرنګاشرنګ وي په مستۍ
له غومبر یې د خوښۍ وږمې را اوري
ګلابي پالنګ ته هسکه ښاپیرۍ 
د ښایست په سرو ګلونو کې لوبیږي
د رنګونو په محل کې ګلالۍ 
د شیرین الهام خواږه زړونو ته ویشي
د وصال د کاروان مشره پردیسۍ
ښکلې، سپینه، مینه ناکه، غونډه، منډه
موږه غواړو یوه کوتره د ښادۍ
چې د سولې ټیک یې ځوړند په وربل وي
افغانان بیايي په لوري د ورورۍ