ستا په هر یوه رګ کې د ښکلا د مخ جادو ښکاري
ته شولې ملنګ، غریبه، ځوانه، زه پاچا شومه
ما درته ویلي وو له مینې لرې لرې ځه
ستا فکر ته درغلم رنګه رنګه دنیا شومه
تل به دې ټینګار د سرو ګلونو د اورښت کاوه
ته چې خماري شوې زه رنګونو کې عنقا شومه
مینه له انکاره سره بیل کیف او خوند لري
لاړې نیمه خوا شوې زه نغمه، نغمه موسکا شومه
زه د خپل بري په الوتکه کې پرواز کوم
زه د آسمان ستوری، زه سپوږمۍ او زه رڼا شومه
تا ته مبارک شه ملنګي مې د شعرونو کړه
خواره منجوره زه زیارت ستا د دعا شومه
زما غزل به جوړ درنه د اوښکو یو امیل کاندي
ستا سلګیو مسته کړم جانانه په نڅا شومه
۹ لړم ۱۳۸۶ هجري لمریز ۳۱ اکتوبر ۲۰۰۷ میلادي/ کابل
13.12.2007
- ahmadi
بیا به داسې راته وایې چې اول دې ولې نه وېمینه دا رنګه کانې کا مسلسل دې ولې نه وې
په ځیګر پوخ شومه یاره د توبې دروازه چیرېخپل منطق دې ولې نه وې مطول دې ولې نه وېرشوتونه مې منلي که له دې زندانه خلاص شومدا د شونډو نذر واخله مکمل دې ولې نه وېدا د حسن مدرسه ده په آزمون کې شومه پاتېزه دستورو آدرس غواړم په غزل دې ولې نه وېراته لار د افق ښیه سرخي اخلمه رخسار تهخدای ته وګوره مطربه په څو ځل دې ولې نه وېزه کمین ته د ښکلاوو یم په پټه راوتلیګوره څنګه ب...
30.12.2007
- ahmadi
زه به هغه ته د خپلې خولې نذر ورکړم، د خپلو سرو شونډو په زکات به یې مالامال کړم، د خپلې مینې د وړانګیز خیرات په ستره ونډه کې به یې شامل کړم، د خپلې سینې د رنګین هار د مرغلرو په تار کې به یې وپییم، کلک به یې په زړه پورې و نیسم، ترې لوګی به شم او د ښکلاوو په رنګینو زیرمو به یې میلمه کړم.
داسې به ترې صدقه شم لکه پتنګ چې د خپلې ریښتنې مینې له طبیعیت سره سم د ډیوو وړانګو ته خپل ځان دومره نږدې کوي چې د هغه له حرارت څخه بیل خوند اخلي، د خپل نازک بدن د غړو په سوزیدو کې چورت هم نه وهي بلکي کله...
