لکه دخوږ زړګي زګېروي چې له پرهاره وزي
دژوند نغمه مي له منګي او له سيتاره  وزي

دد غه سويو اسوېلو تپوس مي څه ته کوې
هسې دژمي تريخ لوګي دي له انګاره وزي


وېل  يې ژوندون مي ټوله مينه او ايمان مي مينه
هغه دمينې ليونى نن له دې ښاره وزي

زما دزړه دخم نه يې وڅښل نشه نشه شول
ځکه د شنه اسمان سپين ستوري له مداره وزي

دغه ظالم کلى د ستور د ميني نه پېژني
بېګناه زرکه مات بنګړي په سر تر داره وزي 

دلېمې له يادولو سره يې كاپي كول پروا نه لري