چې څه به وکړي دې معما کې راله شک پيدا دى

رايه به ورکړو خو پاچا کې راله شک پيدا دى

نن دي په نه خبره څه ډول خواږه وکتل

جانانه ستا په دې موسکا کې راله شک پيدا دى

ملنګه ستا له اوږدې ږيري او تسپو نه قربان

زور د غيران وو ستا دوعا کې راله شک پيدا دى

واى سل دي ومره يو دي مه مره پخوانى متل دى

مړه پرېږده يې دې وينا کې راله شک پيدا دى

سعيده ما چې دي ليدلې کليوالې پېغلې

د ګلابونو په ښکلا کې راله شک پيدا دى