پغمان د کابل ښار لويديز ته  هغه ولسوالۍ ده چې  هره اونۍ ورته د تفريح لپاره په سلګونو  سيلانيان ورځي. د جمعې په ورځ خو  د دې  سيلانيانو شميره زرګونو ته رسيږي. د تيرې سه شنبې په ورځ د پغمان د ښکلې درې د نندارې  وياړ راته د خپلو ګرانو او قدرمنو مشرانو په ګډون حاصل شو. بختانی صاحب، پسرلی صاحب، شپون صاحب او غضنفر سره تللی وم.
پغمان ته دا زما ړومبی ځل  نه و، بلکې په لسګونو ځلې تللی وم. خو دا ځل تګ ډېر بختور  ځکه و چې له استادانو مو درنې او په تول پوره خبرې واوريدې. دومره درانه بحثونه  مې واوريدل چې ونه توانيدم چې تر تاسو يې درورسوم. البته  د مشرانو څو انځورونه درباندې کتلای شم. هيله ده چې خاطر مو پرې دروند نه شي.

په درنښت ستاسې باز