زه سيد محمد مسكين د الحاج وزير محمد زوى د خوست ولايت د اسماعيل خيلو او مندوزيو ولسوالۍ اړوند د حسن زيو كلي اوسيدونكى چې تقريباً دا ۲۵ كاله د معيوبيت او محتاجۍ پر بستر پروت وم .خو الله راته خواخوږى، زړه سواند او مهربانه انسان چې د ډنمارك په هيواد كې د افغان مهاجر په صفت شپې او ورځې تيروي ښاغلى عرب شاه چمتو صاحب سبب كړچې د معيو بينو لپاره د ځانګړي جوړ شوي موټر سايكل مرسته ئې راسره وكړه او د خوږ ژبي او نازك خياله شاعر ښاغلي پير محمد كاروان صاحب په لاس يې راته تسليم كړ. زه د دواړو بشر دوسته انسانانو څخه يوه نړۍ مننه كوم،چې پدې مرستې سره يې زه د معيوبيت له ژوند څخه تر يوې كچې پورې رابهر كړم او د ټولنې سره يې بيا ونښلولم د دواړو ښاغلو دې كور ودان ،بچي يې لوى،صحت يې تل او د نورو مرستو په هيله....
لنډا دا چې ....
تيروي خو ژوند د ځان لپاره هر څوك
ژوند هغه دى چې د بل په خدمت تير شي
د زړه په مينه .
سيد محمد ميسكين خوست مندوزى
28.10.2008
- baz
له سږنۍ روژې نه پوره دوه اونۍ د مخه د ميدان وردګو والي او فرهنګي شخصيت ښاغلي حليم فدايي د بهير غونډې ته تشريف راوړ اود هيواد د مختلفو ولاياتو شاعرانو ته چې په کابل کې ميشت دي بلنه ورکړه چې د سولې په نوم يوه مشاعره به د ميدان وردګو په ولايت کې ستاسې په مرسته جوړوي. کابل ميشتو شاعرانو د والي صاحب بلنه په ورينو تنديو ومنله خو ډېر ژر د روژې مبارکه مياشت راغله او دا خبره سړه غوندې شوه. زه چې د اختر له رخصتيو نه راوګرځيدم نو په ړومبۍ هفته کې د حفيظ الله غښتلي واده و چې د ډېرو يارانو په...
02.11.2008
- baz
اجمل پسرلي چې د افغان ادبي بهير مشري يې په غاړه درلوده وويل:نن چې پوره لس کاله وروسته ما په بهير کې ګډون وکړ، باور وکړئ چې زه يې تيرو يادونو ته وروستم او ډېر خوند مې ترې واخيست. اجمل زياته کړه: لکه څنګه چې يې زه لس کاله پخوا وختونو ته بوتلم همداسې د بهير په کره کتنه او ريپورټ ليکنه کې هم کوم نويوالی نه دی راغلی. په هماغه پخوانۍ شيوه کره کتنه کيږي، مثلاً ټول ځوانان کره کتونکي د ژبې خواته ډېر مايل دي، په داسې حال کې کره کتنه يوازې د ژبې سمونه نه ده. بايد د يوه اثر هنري ارزښت ته هم پام واړول...
