د باز بلاګ يو ناليدلي آشنا له امريکې نه راته ايميل کړی و. ويل يې چې ظالمه د ټول وطن انځورونه دي ورکړل خو د خيبر درې چې د پښتنو د رواياتو او تهذيب بلا ډېر څه په کې خوندي دي، يو تصوير دې هم ورنه کړ. دا ورور نعيم شينواری نوميده، په لنډيکوتل کې پيدا شوی دی او دا شل کاله کيږي چې په امريکا کی ميشت دی، ما سره خو دا ګړۍ د لنډيکوتل ځانګړي تصويرونه نه شته خو يوه څه شته چې د نعيم ورور تنده پرې ماته شي.
ستاسې باز
د شمشاد له هسکې څوکې/ هرې خواته وهم کوکې/ څوک يې اوري او که نه؟
دا هم له ميچنۍ او تورخم تر منځ پروت کلی
د خيبر له کټه کشتې نه دبريښا وړوکی بند
د علي ماجد په غرونو کې پراته کلي
علي ماجد
03.08.2008
- baz
کاش چې مئين ستا په دې بشر نه وی داسې به له ځان سره په شر نه وی
ته که مې يو ځلې پيدا کړی وی لاره به له ما ورکه اکثر نه وی
چيرته به مې خپله غريبي کړله دې ښکلو که ماباندې نظر نه وی
اوس به زه بې دينه بې ايمانه وایښکلی که د مينې پيغمبر نه وی
بازه تا به دا رنګې غزل ليکه؟خيال که دې خور اور په پيښور نه وی...
12.08.2008
- baz
دا انځورونه ګران ورور انجنير الفت شهاب هغو مسافرو خويندو ورونو لپاره راليږلي دي، چې له هيواده لرې په ملکونو خواره واره دي. زه ګران ورور انجنير شهاب ته کورودانی وايم، هيله لرم چې د څو شيبو لپاره مو پرې د هيواد د ليدو تنده ماته شي. دا انځورونو د لغمان ولايت، د الينګار ولسوالۍ د لوکاړ سيمې څخه اخيستل شوي دي. له نورو هغو ورونو څخه هم تمه لرم چې د هيواد له ګوټ، کوټ نه زما په ايميل ادرس ښکلې منظرې راوليږي، او د خپل هيواد ښکلې منظرې د تل لپاره خوندي کړي.ستاسې ورور عابد...
