حضرت عيسى(ع)(د کاڼي کرښِې)
٠ د بدن چراغ سترگې دي که چېرې ستا سترگې ښې وي، نو ټول بدن به دې روښانه وي او که چېرې خرابې وي، نو ټول بدن به دې خراب وي.
٠ زه له مړو نه د ژوندي کولو عاجز نه يم، خو د احمق له سمونې عاجز يم.
٠ مومن وايي کم او کوي زيات او منافق کوي کم او وايي زيات.
٠ ډېر مبارک هغه خلک دي چې د الله(ج) خبرې اوري او عمل پرې کوي.
٠ د څښتن(ج) له رحمته دومره مه ناهيلى کېږه چې هر وخت ژاړې.
٠ دروغژن ته قسم مه ورکوه کنه ته په هغه گناه کې سم شريک يې.
٠ د دنيا په مال او اسبابو مه غره کېږه، څوک خبر دي چې نن شپه ستا ځان له تا نه طلب کړي.
٠ له خپل وروره بې له لامله مه خپه کېږه.
٠ وغواړه تاته به درکړل شي، ورپسې شه پيدا به شي، دروازه وټکوه ستا لپاره به پرانېستل شي.
٠ چا چې په بد خواهش ښځې ته وکتل هغه په خپل زړه کې له هغې سره زنا وکړه.