دَ اروپایانو (چې پښتانه ورته انګرېزان یا فېرنګیان واي) په باب

ځینې مشهورې تهمتي مفروضې

 

-   اروپایان (انګرېزان) ډېر ناروا خلګ دي ... له هیڅ شي مخه نه اړَوي -

-   دا  شین سترګې مور او خور نه پېژني ..

-    دَ انګریزانو (فېرنګیانو) بس هم دغه جهان دی ، ځکه خو په دې ژوند یې ختمه کړې ده –

-    ښه ریښتونې او صفا خلګ دي ، خو افسوس چې کلیمه یې هم نصیب شوې وای –

 -   انګریزان په هلال او حرام کې هیڅ توپیر نه کوي ... هر څه خوُري –

-    پرېښي لوی ، خو خدائی لوي نه ده ورکړې –

-    په ځان یې ختمه کړې ده، ځکه خو خوشحاله او خندَ رُویه ښکاري –

-    انګرېزان دَ شرم تر ویالې ټوپ شوي دي –

-    خدائی له ښائیست سره سره ډېره دولت هم ورکړی دی –

-     دا خلګ هیڅ ویره په ژوند کې نه لري –

-     چرته ښه ، هلته یې شپه وي دَ دې خلګو –

 

دا پورتنۍ مشهورې مغروضې تر کومه هانده صحیح دي ؟ دغه یوازینی سوال خپل منطقي ځواب  ته رسولو دپاره  ما دا خبره بهتره وګڼله، چې دَ اروپایانو دَ اندرون او بېرون څپړلو دپاره داسې سوالونه رابرسېره کړم، چې دَ دې براعظم دَ خلګو رائیې دا پورتنۍ پښتني مفروضې یا خو تصدیق کړي یا بیا یې غلطې ثابتې کړي -  دَ پورتنئیو مفروضو په رڼا کې مې ځینې سوالونه دَ اروپایانو دَ رائیو په کومک داسې سرته رسولي دي – ستاسو توجه غواړم –

ــــــــــــــــــــــــ