دَ پښتو دَ جدید غزل سرخېل ، نامتو محقق ، سترګه ور نقاد او دَ قدر وړ انسان سعید ګوهر او وَ پښتو ژبې ته تر هر څه ور تېر بې ساري شاعر او غښتلي نثرنګار سید خېرمحمد عارف په نوم ..... چې دَ دواړو دَ مثالي دوستۍ له برکته نه یوازي دَ اَُردو او پښتو ادب نابعهٍ عصر، اوچت شاعر او منلي نثرنګار پروفیسر ربنواز مایل په مشرۍ کې دَ لورالائي پښتو مکتبه فکر لومړۍ خښته کښېښول شوه ، بلکې دَ ګران سهېل جعفر او محمود ایاز په ډؤل بې شمېره پیاوړي شاعران او نثر لیکونکې یې هم دَ پښتو په چوپړ داسې بوخت کړل ، چې اوس بې دَ لورالائياتو دَ ذکر او فکر .... پښتو ژبه او ادبي تاریخ نیمګړی دی -
انتساب دَ ژوند
زما ژوندون
دي شي لوګی په هغو
چې زما دَ هر
لیدلي خوب په شانې
پښتو کوي
او پښتونواله پالي
انتساب دَ جذبو
زما جذبې
په نوم دَ هغه احساس
چې سړیتوب
دَ سرلوړۍ په خاطر
مرام ګڼي دَ ژوند
یوازې مینه
• انتساب دَ شاعرۍ
زما شاعرۍ
په نوم دَ هغې پېغلې
چې زما دَ خیال
دَ هر یو نقش په سمه
په نرۍ زنه
شینکی خال هم لري
افضل شوق
