دَ عمرونو دَ ستړيا ورسته چي بيرته
زه په مات زړه
دَ خپل كور په لور راغبرګ شوم
نو
يوه داسي سندره مي تر غوږ شوه
چي هم بيرته
هغه زه وم .. هغه خوږ ژغ
چي
سرور كي يې رهي شوم
هغي خواته
چي زما دَ تصور په سمه هر څه
دَ خيالونو وَ نړۍ ته مُونېدلو
او هغه هم
په هغه بڼه خيالي وه
خو
لاسو په ځاى يې دوه وزر درلودو ،
ځكه
ما چې دَ نيولو هڅه وَكړه
هغه والوته دَ خوب وَ جذيرو ته
او ما هم
ورپسي بيا كړې پائڅې ټولي
14.11.2007
- afzalshauq
" چرته غلط جهاز ته خو نه را وَختم؟
"چي څنګه دَ خپل نمبر په چوكۍ باندي كښېنستم، نو مي دا خبره زړه ته راولوېدله _ او شاوخواته مي خپله سودا حتمي يا رد كولو په نيت سترګي وَځغلَولې _ كه څه هم دَ چوكيانو په استرونو باندي ځاى په ځاى ليكل شوي "الامارات" زما شك له زړه څخه څه څه ايستلى وْ، خو غولېدلي سترګي مي دَ حقيقت په منلو ځكه نه كانې كېدلې _ ولي چي جهاز دَ خپل ځانګرتيا درلودلو په چپه سرواو سپينو ائيرهوسټسانو، چي هالف سره سكرټونه يې اغوستي وْ او وړې ټوپياني يې په سرو باندي پرتې وي دَ...
14.11.2007
- afzalshauq
زه حريان يم ، چي دا ځيني خلګ څنګه دومره زيات كتابونه په لنډ وخت كي وَليكي؟ او لا نور هم دَ حېرت ګوته په خله هغه وخت شم، چي نه يوازي دَ داسي كتابونو وَ لوستلو ته بلا بلا ذهنونه كانې كېږي .. بلكې وَ ستائيلو ته يې هم درنې خلې په ښو غټو غگټو تورو باندي ژغېږي لګيا دي كوم چي داسي څرګندَوي ، لكه وَ دې خواري پښتو ته چي دَ مقدار بېخي زيات ضرورت وي .. دَ معياري ادب ګرسره نه هم ځكه خو پښتانه لوستونكي دَ تودو پښتني جذبو تاوْ په زړونو كي درلودلو پرته هم دَ پښتو كتاب لوستلو ته نه تي...
