راليږونکی :محمدعلی عمری
د راليږونکي پته :m.ali.omure@gmail.com
نيټه : 22-08-2008
غزل
ورځ می شپه سوه چی په لوری زما راغله
دیار غم وو لکه توره بلا راغـــــــــــــــــــــله
په کوم لوری به ترې ځان ژغورم دتلــــــلو
دقسمت لوبه له مخ او له شا راغلـــــــــــه
ورته کوز به دحســــــــــــــینو وي سرونه
که دبخت ستاره مخ ته دچـــــــــــا راغله
دا چی اوري می پر مخ باران داوښکو
زما دفکر په اسمان کی خو بیا راغله
شېخه هیر به دي اذکار شي که دې مخته
پښتنه دجنت حوره پر خوا راغــــــــــله
څه ازارمی دئ اخیستئ نه پوهیږم
چی لړۍ زما پر عمر سیاه راغلــــــه
عمری او بخت خو دومره سره لــــــرې
لکه څوک چی وای ځوانی دبوډا راغله

په پښتنه مینه
محمدعلی عمری
جنوبی پښتونخوا مسلم باغ
m.ali.omure@gmail.com