دا
دا چې څه چل دی چې فتنه او فساد نه ختميږي
پسې اوږديږي د جنګونو مېعاد نه ختــــــــــميږي
هم د واعظ په زړه کې اورد جهاد نه ختميـــــــــږي
که دابه بل اوسي تر څو چې مواد نه ختميــــــــږي
دا چې زموږ جرم سنګين دی که نه زړه د دښمن
سرونه ختم شول غوسه د جلاد نه ختميـــــــــــــږي
د انتظار بلا بلا شــــــــــــــــــــوګېرو ووهلـــــــــــــــم
خو څو لمحې مې دې جانانـــه له يادختميــــــږي
جانان د غم او ما د زغم مظاهره ښـــــــــــــــه وکړه
ما په جانان، جانان په ما اعتماد نه ختمــــــيږي
موږ له کـــــــــــــــــورونو کلو ووتــــــــــلو لرې لاړو
خو سرحدونه د جنون د هېواد نه ختميـــــــــــږي
ستورو او ما که کړۍ شپه له سترګو وباســـله
خو لا مې بحث د ضمير د نقاد نه ختميــــــــــږي
جذبه تسنيمه د کرم، ستم محتاجــــــــــــه نه وي
څو چې يې پور د محبت نه دی زباد نه ختميږي.
