ژوند مې د ارمان له کوره مړی راوړ، راغــــــلم
مړی مې پر ولو ســــــــــر پرېکړی راوړ ، راغلم
زه د هر ميـن د ميــــــنې تـــــور په غاړه اخـــــــلم
ومې تړئ ځــــــان سره مې پړی راوړ، راغــــــلم
زړه مې پر نښتر وسوو، شناختې د ارمان ته مې
لاړمه له غره نه مــــــې سرګړی راوړ، راغلــــــــم
نه شرپ شروپ د اوبو و، نه کړنګا د منګوټو
(د ړنګ ګودر له غاړې مې کودړی راوړ، راغلم)
يو خيال و، ماويل جوړ به کړم د شعر ترې امېل
بس لکه خپل روح مې ستړی ستړی راوړ، راغلم
ما يې پېرزونـــــــې د خــــــندا بېرته ورنــــــــــکړې
زړه مې د حسيـــــنو پوره وړی راوړ، راغـــــــــــلم
ګل به شي، ګلان به شي، بوستان به شي حيرانه
دې شاړو مېرو ته مې يو زړی راوړ، راغـــــــلم.
08.10.2007
- محمدحنيف حيران
په دې برخه کې به تاسې د لويې پکتيا شاعران وپېژنئ، د هغوی شعرونه به ولولئ او يو بل زيری هم درکوو، چې په نږدې راتلونکي کې به د لويې پکتيا د شاعرانو ګډه شعري ټولګه، چې احمدضياء ضياء راټوله کړې ده چاپ او خپره شي. ددې ټولګې دا لومړی ټوک دی. بايد ووايو، چې دا لړۍ به په همدې وېب لاګ کې کرار کرار خپريږي . دلويې پکتيا کوم شاعر که خپل شعر نه وي ورکړی، هغه اوس هم کولی شي، چې خپل شعر، لنډژوند ليک او يو عکس زموږ په پتو راوليږي .hanif_hairan@yahoo....
09.10.2007
- محمدحنيف حيران
د ډېرو نژدې ملګرو په مټ خبر شوى وم، چې د پكتيا يو څو فرهنګپال او حساس پښتانه غواړي د (سليمان غر) په نوم يوه دوه مياشتنۍ مجله له چاپه راوباسي، ډېر زيات خوښ شوم. همدې ملګرو راته د رارسېدو وعده هم كړې وه؛ خو متاْسفانه، چې دوى ونه توانېدل په خپله مې يو ناڅاپه د ګردېز ښار په څلور لارې كې مې په سليمان غر سترګې ولګېدې؛ نو سمدلاسه مې بې له سوچه د خپلې ديني او ملي فريضې له مخې واخيسته، ومې لوسته، ډېر ښه په زړه پورې مطالب يې لرل، كه څه هم له ځينو خاليګاوو او غلطيو خالي نه وه؛ خو بيا هم په دې هيله مې زړ...
