ولې داسې غلى يې څه نه وايې
ګرانه چا رټلى يې څه نه وايې
حسن ګناهګار دې خطاګانې كړي
ته څومره سپيڅلى يې څه نه وايې
ښكلي بس كاته كوي غږيږي نه
خدايږو ياره ښكلى يې څه نه وايې
ځار دې له منصورې حوصلې نه شم
دار ته را ختلى يې څه نه وايې
پيژنم تصوير يې د خواږه جانان
زړه نه راوتلى يې څه نه وايې
بيا دې ياغي حسن كې مستي نشته
بيا چا ژړولى يې څه نه وايې
ډيره موده وشوله څپاند اشنا
كومې خواته تلى يې څه نه وايې
عبدالجبار څپاند
19.02.2008
- سردارولي څرک
تيارې دي له سهاره تر سهاره توره شپه دهپه موږه بدنصـــــــيبو دوامداره توره شپه دهبنګړو ته دې شرنګ وركړه چې دې وپېژنم يارهده لار له لارې وركه لار په لاره توره شپه دهبلا د زلفو اخلو چې په لاره ځــــــــو د زلفود عشق د ليونيـــو خو تر داره توره شپه دهنه جام نه صراحي شته او نه شور څه د بنګړيوپه موږه مينه خوارو داسې خواره توره شپه دهديدن ارمان چې راشي بدره دا سندره بولوچې خوارې سترګې ګرځو لا اغياره توره شپه ده
...
19.02.2008
- سردارولي څرک
ليكوال انور احسن صديقيژباړن: سردارولي څرك
امير خان په سختو الفاظو مورته وويل: څنګه خبرې كى مورې! اوس موږ دومره خوار شو، دومره ذليل شو چې جميله ناصر ته وركړو، لكه چې ستا په اند موږ كې هيڅ غيرت نه دى پاتې كه څنګه؟مور يې( بلقيس) ځواب وركړ : زه نه پوهېږم چې دې كې د بې غيرتۍ څه خبره ده؟ تا په ناصر كې څه بدي ليدلې؟ كورنۍ يې ښه زمكه جايداد لري، د پلار يو زوى دى، دوى له موږ نه كم نه بلكې څو جنده زيات دي._ خبره د كم او زيات نه ده مورې! دا خلك زموږ له ذات نه ډېر واړه دي، م...
