هغه ولس چې خرافاتو کې خوشال وي
د ګونګټ په مردارۍ کې داسې حال وي
د واهیاتو په منلو کې زیرک وي
حقیقت په قبلولو کې ملال وي
که د عصر د پیغام ورته هر څو، وی
بې غبرګونه بې احساس لکه دېوال وي
خپل تاریخ له یوه فصله خبر نه وي
ناخبره له عروجه له زاوال وي
د نیکونو په مېړانه وهي لاپې
خپله نه په کې کمال وي، نه جمال وي
مرادزیه داسې ولس ته دې زړه مه خوره
چې غمجن د بل په حال، نه پخپل حال وي
د ۲۰۲۵ کال د مۍ ۵ مه
سرلوڅ مرادزی