وږمه سبا عامر

بېګا شپه مې کړه تېره په سوچونو کې دلداره
ته نه وې سوزېدمه په اورونو کې دلداره
احسان مې نه منې څومره ناجاڼه يې مغروريې
ځواني مې کړله پاڼې ستا لاسونو کې دلداره
ازغي مې په لاسونو کې تڼاکې مې په ښپوکې
ماڅومره لټولې په ګلونو کې دلداره
دازمکه خويوکور دى زه او ته پکې اوسيږو
رشتې خوتړل کيږي اسمانونو کې دلداره
ته راغلې راته ښکاري چې سوالونه مې قبول شو
الله نه مې غوښتلې بارانونو کې دلداره
همزولوبه ستانوم باندې چېړله څومره ډېره
وږمې به يادولې په ټالونو کې دلداره