ديدار باغي
خپله مست خپله نشه يم
خپله مړ خپله ژوندى يم
زه مختار ددې هرڅه يم
کله خر کله سړى يم
په بل ځاى کې مې وجوددى
دغه لږه مې حصه ده
متاثر ، چې شم له چانه
هم هغه ته مې سجده ده
په جذباتو کې راټوله
د مستۍ او عشق کيسه ده
ددې ګل خاورې کېدو کې
څه خو پټه فلسفه ده
مېلمانه ټول د فنا دي
که دا شونډې که ګلان دي
بس يو ته شوې راته پاتې
نور په منډو دي روان دي
بس يو ستا مخ دى جانانه
نور د اوره دي نور ښکاري
زه ، چې هر طرف ته ګورم
ستا جمال ښکاري طور ښکاري
د مړخولو په دې ښار کې
يو باغي دى منصور ښکاري
عجيبه بېلاتي کس دى
ورته نېشت کې سرور ښکاري
يوه ساه دې راله راکړه
يو عذاب مې درواپس کړ
يو درياب وجود دې راکړ
يو حباب مې درواپس کړ
29.06.2007
- hairan
سليم بنګښ
يوه قاتل چاړه ده ايښې د هر چا په غاړهچېرته موسى ورته راولېږه عصا په غاړه
بلها ښايست لرې بلها درپسې وکړېدومونږ مينه څه وکړه مونږ واخيسته بلا په غاړه
داسې محشر کې زه جزا وته ولاړ يمه چېتوبه مې ده قبوله شوې او ګناه په غاړه
په دې مېدان کې خلک اوس هم بې ګناه قتلېږييو قاتل اوس هم دى دېره د کربلا په غاړه
يو څوک يې وژني هم يو څوک ځانونه خپله وژنييو جنګ روان دى د فنا او د بقا په غاړه...
07.08.2007
- hairan
نصرت الهام
زه پښتون زلمى يمه ما مه چېړهزړه لرم ژوندى يمه ما مه چېړه
ما د احساساتو په اور مه وژنه مات به شم بنګړى يمه ما مه چېړه
خداى يې وهي ماته ، چې بد وګوري زه د چا زړګى يمه ما مه چېړه
ستا په پلونو ښار ته رسېدلى يمسم د غره سړى يمه ما مه چېړه
زړه مې د داغونو په خالونو پټ اوښکو کې مسکى يمه ما مه چېړه
زه الهام د غم په سيند کې لامبمه هسې لېونى يمه ما مه چېړه...