فېس بوک د انټرنيټ د ټولنيزو (اجتماعي) ويبسايټونو ( website) په کتار کې يوډير په زړه پورې ويبسايټ دي . په دې ويبسايټ کې د نړۍ د بېلابېلو هېوادونووګړي لومړي خپل ځانونه ثبتوي او بيا د همدې لارې يو بل سره اړيکي نيسي
د فيس بوک چاپيريال په حقيقت کې ددې ويبسايټ د ګډونوالو له پاره ددوستانو او انډيوالانو د بنډار يا مجلس دځای حيثيت لري . هرګډونوال کولي شي په هره شيبه کې د ځان سره نوي ملګري يو ځاي کړي . د ځان له پاره يو شخصي پاڼه ولري ، يا د ملګرو ډله جوړه کړي او يا هم د نورو په ډ لو او ګروپونو کې ورشريک شي .
دفيس بوک ګډونوال ، کولي شي په خپلو کې خپل اندونه ، عکسونه ، ويډيو ګانې او پيغامونه يو بل سره شريک کړي. په ورستيو وختونو کې فيس بوک د ګډونوالو شمير له ۶۰۰ ميليونو څخه هم زيات شوي دي . دا وېبپاڼه په بشپړه توګه وړيا ده او تر اوسه د نړۍ په بيلابيلو ٤٠ ژبو کې ژباړل شوي ده . چې پښتو هم په دې ژبو کې راځي.
د فيس بوک ګډونوال کولاي شي د خپل ځان له پاره يا هم د خپلې خوښې د يوه هنرمند له پاره او يا هم د د خپلو سوداګريزو توکو د خر څلاو له پاره يوه شخصي ويبپا ڼه يا ويبلوګ طرحه او جوړ کړي . چې نور کسان هم په هغې کې ځانونه ثبت او د اړونده موضوعاتو په اړه خپل وړانديزونه او نظريات وړاندې کړي .
د فيس بوک ټول ګډونوال ستاسو په وړاندې په پنځو ډلو ويشل کيږي :
ملګري ، د ملګرو ملګري . د يوې شبکې يا ګروپ غړي ، نا اشنا کسان اوهغه ګډونوال چې بلوک شوي وي .
فيس بوک ويب سايټ خپل ځانګړي پروګرامونه او پوستکالي هم لري چې هر ګډ نوال د هغو په مرسته کولاي شي د خپلې خوښې سره سم په ليکه (ان لين )بيلابيلې لوبې تر سره کړي .
د فيس بوک د ويبسايټ جوړونکي يو امريکايي ځوان دی چی مارک زوکربرگ Mark Elliot Zuckerberg ( زيږيدو نيټه : ۱۹۸۴ز. کال مي ١٤) نوميږي
دغه ځوان امريکايي ددې ويبسايټ د جوړولو په طرح هغه وخت کار پيل کړ چې پخپله د هاردورد د پوهنتون محصل و . نوموړي د دغه ويبسايټ لومړنۍ طرح په يوه کوټه کې د کمپيوتر ساينس د پوهنځي ديو شمير نورو محصلينولکه«اندرو مککالم»، «داستين موسکويتز» ا و «کريس هاگز» په مرسته را منځ ته کړه . په پيل کې ددوي هدف د هاردورد پوهنتون د محصلينو له پاره د يوې ټولنيزې ويپاڼې جوړول و. نوموړي چې کله خپله طرح بشپړه کړه نو د ۲۰۰۴ ز. کال د فبرورۍ په ٤ نيټه يې دانټرنيټ نړيوال جال ته داخله کړه .
د فيس بوک ويبسايټ په دومره چټکۍ د محصلينو پاملرنه ځان ته راواړوله چې يوازې په لومړيو دوه اونيو کې د هارورد د پوهنتون دنيمايي څخه زياتو محصلينو خپل ځانونه په نوموړي ويب سايټ کې ثبت او راجستر کړل . د هرې ورځې په تيريدو سره په فيس بوک کې د ګډونوالو شمير په خورا جټکۍ سره زياتيده ، يوازې په لومړيو څو مياشتو کې د ثبت شوو کسانو شمير ملينونو تنو ته ورسيده .
(مارک زوکربرگ) په اوس وخت کې د فيس بوک د ادارې د اجرايوي مدير په تو ګه کار کوي او د ٢٠٠٨م کال د ( فوربس) د مجلې د راپور له مخې د نړۍ يو له ځوانو ميلياردرانو څخه ګڼل کيږي چې د شتمنۍ اندازه يې په هغه وخت کې ۱٬۵ ميليارده ډالر اټکل شوې ده .
