کله نه چې هغه افغان کاکا زموږ سیمې ته راغلی د سهار له لمانځه وروسته د بهر په زړه راښکونکې هوا کې د بنډار لپاره تیروو.
نن هم د معمول په څیر بهر انتظار و چې کاکا له مسجده په راوتو کې وپوښتل: په افغانستان کې څه خبرونه دي؟ د هغه په وینا کوم انتحاري منتحاري خو به نه وي شوی؟
مایې ځواب داسې ورکړ: کاکا اوس خلک له وژنو سره دومره عادي شوي چې وژنې ورته نوی خبر نه ښکاري...د یوه بې ګناه وطنوال په بې رحمه وژل کیدو د کورنۍ له نږدې غړو پرته د نورو زړونه هم نه دردیږي.
کاکا سر وخوځاوه او بیا تر څنډه زوړند سر غلی ولاړ و. وروسته یې زما په لو مخ کړ او ویې ویل: والله پدې شخړو کې دا ستاسې پښتانه ډیر وژل کیږي. بیای د کاکا په ذهن کې څه راوګرځیدل او زیاته یې کړه که څه هم ټول سره وروڼه دي...بیا یې غږ خپ شو.
زما د کاکا په نیت کې شک نشته، کیدای شي کاکا به خبره د همدردي له مخې کړې وي. دا مې زوروي چې زموږ په ذهنونو کې افغانستان تجزیه شوی دی. موږ په افغانستان کې د پښټو پاړسي، شمال جنوب او لغمان او بدخشان پولې جولې کړي.
موږ هسې لګیا یو چې افغانستان تجزیه کیدو والا نه دی.. افغانستان لا پخوا تجزیه شوی.
04.01.2013
- محمد مدثر اسلامي
د هرې ټولنې خیر او شر په ځوانانو پورې تړلی؛ ځکه همدوی د ټولنې اصلي سرمایه ده.
ځوانان د ټولنې زړه جوړوي. زړه هغه ټوټه ده چې که اصلاح شوه ټول بدن ورسره اصلاح کیږي او که، الله مه کړه، په فساد ککړه شوه بیا ټول بدن فاسدوي. ټولنې چې فاسدې شي له کاره ولویږي او د وخت په تیریدو یې آن نومونه د ځمکې له سر محوه شي.
همدا لامل دی چې اسلام ضده ډلو او کړیو زموږ د ټولنې په زړه پسې رااخیستې. غواړي ځوانان مو په فساد کې ښکیل کړي، څو مو نوم او هویت ورک کړي. خو د ویښ ضمیر او احساس خاوند ځوانا...
04.01.2013
- محمد مدثر اسلامي
نورو ته د قلم او ژبې د جهاد د ارزښت په ښکاره کولو کې مو نږدې خولې وشکیدې، خو چې خپلو ملګرو ته د څه لیکلو ووایو هغوی بیا وخت نلري.
څه فکر کوئ یوه لیکنه څومره وخت غواړي؟
یو ساعت نه، نیم ساعت نه، حتی لس دقیقې هم نه، لیکنه هومره وخت ته اړتیا لرې څومره چې په فیس بوک کې د یوې خبرې یا تبصرې شریکولو ته پکار ده. په لیکنه کې نور څه دي یوه سوژه ټاکل دي بس او هیڅ ملګری په فیس بوک کې خبره د سوژې له ټاکلو پرته نه شریکوي بلکې له شریکولو مخکې جمله څو ځلې ولولې بیا فکر پرې کوي چې د...
