غزل
نن شپه ستا خبرو نه خوند اخلمه
خوښ يم دې سندرو نه خوند اخلمه
نيت مې دى ورځمه چې يې راوړمه
زړه مې دى ګورګورو نه خوند اخلمه
اوس به يې انتخاب كړم چې څوك، څوك دې وي
بيا به مې ملګرو نه خوند اخلمه
لږ دي چې طبيعيت مو سره جوړ نه دى
نور خو له اكثرو نه خوند اخلمه
زه د يو مين د يو دلبر په څېر
ښكلو سترګورو نه خوند اخلمه
واك مې د زړه ستا دى اى فاتح باچا
عشق كې ستا لښكرو نه خوند اخلمه
12.05.2012
- جاوید واک
څلور بیتونه:
ستا چې دښايست خبرې ولاړي شي
هله به بيا دا كوڅې وزګاري شي
مه ګوره اشنا راته په برند نظر
هسې نه چې سترګې دې خونكاري شي
دا څنګه قسمت دى خدايه زما په سر
زما مخ كې پېداشي بياسرلاري شي
شتونه ته مواړتياده په دې سيمه كې
هسې نه داخلك موبې لاري شي
...
12.05.2012
- جاوید واک
غزل
ملګرو رژېدلی يو ارمان وو چا ژړل
د ژوند د شېبو ډېر سخت امتحان وو چا ژړل
انکار وو په انکار پسې انکار د يوه زړه
قيامت وو سره اورونه وو توپان وو چا ژړل
د خونې د کړکۍ په اينه کې هک ولاړ وو
په مخ باندې د اوښکو يې باران وو چا ژړل
روان وو له وطنه د چا غم يې وو په سر
نور هلته اوسېدل ورته ډېر ګران وو چا ژړل
په سترګو کې کيسې ډېرې راغونډې وې د چا
پ...
