غزل

دايې خبره د خپل ژوند او ستا د ژوند کړې وه

که رسوايي په ټول مالت کې دې دردمند کړې وه

 

مونږ ته به مينه څه اسانه ښکارېدله اول

موږ ته خبر چا نه د دار او نه د بند کړې وه

 

ما مې ملګرو ته هم نه ويلې غلی وم خو

ټوله کيسه مې عادتونو بند په بند کړې وه

 

هغه دې ياد شي چې زړګې مې درته مخکې کېښود

هغه دې ياد شي چې خندا دې په خوند خوند  کړې وه

 

تانه که هر څوک وو ورک شوی په کيسو کې د ژوند

ما مې د شعر هره وينا ستا په اړوند کړې وه

 

واکه همدا لاره دې سمه ده او نېغ پرې ورځه

دغه خبر راته يو دوست يوه دلبند کړې وه