بسم الله الرحمْن الرحیم
مشر که وي ،نو داسي دي وي
ژباړه:نورالباري افغانمل
پېژندل سوي بزرګ حضرت خواجه قطب الدین بختیار کاکي رح تر مړګ وړاندي دا وصیت وکړ چي د هغه د جنازې لمونځ دي داسي څوک ورکړي چي تل پاک اوسېدلی وي،د مازدیګر د لمانځه سنت نه وي ځیني قضا سوي .او د جماعت په لمانځه کي تل له لومړي تکبیر څخه شریک سوی وي .د جنازې د لمانځه په وخت کي چي دا وصیت اورول کېدی نو پېژندل سوي(مشهور) پاچا سلطان التمش هم واورېدی.هغه د لږ ساعت لپاره چهپ پاته سو تر څو یو بزرګ دغه نېکمرغي د ځان په برخه کړي.خو چي کله هیڅوک د امامت لپاره نه سو ور وړاندي نو ده دا وویل "ما خو دا غوښتل چي زما له دې حال څخه دي څوک نه سي خبر خو د خواجه صاحب د حکم په وړاندي هیڅ چاره نه لرم" او ور وړاندي سو د جنازې لمونځ یې ورکړ.
