شــــپه ده ســـــتا یادونه دي ،ګلــــونه دي
چـــا ویل چــــي غـمــونه دي؟،ګلــــونه دي
ســــتا له زلـــفو پرېوتــل بـــې ابــــه سـول
مــــړاوي زمــوږ زړونه دي، ګلــــونه دي
روح د پســـــــرلـــــــــیو دی زمـــــا په واک
لاس کـي مــــــي لاسونه دي،ګلــــــونه دي
رنګ د پېغلتوب دي سو پر شونډو خور
غـــیږ په غــــېږ اورونــه دي ،ګلـــــونه دي
ستـــا د خـــــولې خـــــبري دي سنـــدري دي
ستـــا د خـــــولې لفظـــونه دي ،ګلـــونه دي
دارنــــــه دی ســــور ښـــاخ د ګلغټیو دی
ځـــــوړند پرې سرونـــــه دي،ګــــلونه دي
منـځ کي یــــــــې توپير (جــــلاله) مــــه کوه
ښکلـــــي بــــس ګلــــونه دي ،ګلــــونه دي
