د پکتیکا ادبي بهیر راپور

 پکتیکا ادبي بهیر خپله دوهمه غونډه د جون د میاشتي په شپاړسمه نېټه د ماسپښین په دوه بجې په مرکز ښرنه کې د لینکن لن سینټر په کتابتون کې تر سره کړه.د غونډي ریاست ښاغلي محمد یاسین یاسین او همدا راز خیرالدین دین دوست مشر مېلمه وه،انعام الله ګوهر او خالد ریحان د دریز چاري په مخ بیولې.
د قران له تلاوت نه پس رحیم خوشال د تېري اونۍ راپور واوراوه چې ملګرو پرې خبري وکړې او د ګزارش لیکلو په څو مهمو نقطو یې خبري وکړې.
ورپسې انعام الله ګوهر له ټولو هغو ټولنو او ملګرو نه مننه وکړه چې د انټرنیټ او تلفون له لاري یې د پکتیکا ادبي بهیر مبارکي ویلې وه او خوښي یې څرګنده کړې وه.
بیا له پریکړي سره سم د ځوان شاعر عبدالرازیق شېرزوی غزل د تنقید لپاره وړاندي شو.د غونډي ګډون والو پرې تنقیدي بحث وکړ او شاعر ته یې مهمي نقطې ورپه ګوته کړې.
په اخر کې ازاده مشاعره شوه چې شاوخوا شلو شاعرانو په کې برخه اخیسې وه