پاکستاني چارواکي:
پخواني قومندان احمدشاه مسعود پاکستانۍ تذکره درلوده
د بلوچستان ايالت د چاغي سيمې د ولايتي شورا رييس ملک دلمراد حسني د شورا غونډې ته ويلي چې پخواني قومندان احمدشاه مسعود د پاکستان د تابعيت تذکره درلوده. نوموړي شورا ته د احمدشاه مسعود د تذکرې اړوندهغه اسناد ښکاره کړل، چې د پاکستان د احصايې ادارې (نادرا) له خوا ثبت شوي وو. د خبر له مخې د دغو اسنادو تر ښکاره کولو وروسته د شورا غړي هېښ شول او د نادرا يا احصايې په اداره کې د پراخ فساد په اړه يې ژوره اندېښنه وښوده. د شورا په غونډه کې وويل شول، چې يو زيات شمېر نورو افغانانو هم د پاکستان د تابعيت تذکرې اخېستې او يو شمېر يې په سيمه ييزو ټاکنو کې انتخاب شوي هم دي.
له روهي ویبپاڼې څخه په مننه
