د حمید ګل کاندید له نوې څېرې سره

د پاکستان برقي مېډیا چې زیاتره دپاکستان د جاسوس حاکمیت لخوا د پاکستاني ګټو او په اصطلاح سب سی پهلی پاکستان په روحیه سمباله ده ، دافغانستان د انتخاباتو ترکمیسیون وړاندي د عبدالله جان د بري ډنډورې ته اړم شوه .

پاکستان له ایران سره په ګډه هڅه کوي چې د حمل د۱۶شپاړسمې انتخابات د افغانستان د ثبات پرځای د پاکستان او ایران د ستراتیژکو اهدافو د ګټي پر محور راوچورلیږي .

یوضعیفه او له افغاني غرورڅخه  بیګانه زعامت کولای شي د دې پرځای ،چې د مستقل افغانستان له زاويې څخه له ایران او پاکستان سره د اړیکو دپا للو لاره په مخ کې ونیسي ، د کابل ګتې  په کوټه سیکو وپلوري او د خپل ناروا حاکمیت لپاره هره هغه لوبه ترسره کړي ، چې اغیار یې تر غواړي .

پاکستان له تېرو ۳۵کالو راهیسي هڅه کوي ،چې داختر عبدالرحمن خان افغاني ضد دکترین ګام پرګام پلي کړي .

اختر عبدالرحمان خان د ضیاالحق په زمانه کې په ډاګه ویل ، چې افغانان اټک غواړي ، خو موږ دمټک ترپله پوري د پرمختګ عزم او اراده لرو .

کابل جنګ غواړي او موږ سالنګ غواړو.

زموږ دغوښتنې حکم دا ایجابوي، چې د کابل زخمونه په پرله پسې توګه خوړین وساتو .

کله چې د ډاکتر نجیب الله رژیم سقوط ته نږدې کیدو او هم پاکستان په کابل کې د رباني د حکومت لپاره زمینه مساعده کړه،  رباني د خپل ژوند تر پایه پوري د کابل زخم خوړین وساتو، ځکه که یو مضبوط او قابض حکومت راغلی وای ، پاکستان نه شو کولای ، چې په سیمه کې دهغو سیمه یزو معاملو پرسر په اسانه له کابل سره توافق ترسره کړي ، چې د دوو مستقلو هیوادنو ترمنځ لاینحله پاتي وي.

یوه ورځ په جیو ټلویزیون کې د حسن عسکري په نامه پاکستاني سیاسي مبصر په ډاګه وویل ،چې موږ له باثباته ډهلي سره ګوزاره نه شو کولا ی، که کابل باثباته شي ، نو ورځ به مو تر دې هم بد تره وي .

د حمل په شپاړسمه اسلام اباد له تهران سره په ګډه پرهغه پروژه پانګه ولګوله ،چې عبدالله ته يې د جعلي ګټو پلان جوړ کړی وو .

عبدالله او ډلې يې له تېرو دیارلسو کالو هڅه وکړه ، چې افغانستان د نيابتي جګړې لپاره په جنوب ، جنوب غرب کي ، شرق او شمال شرقي افغانسان کې د خلکو دکرکو او نفرتونو اور ژبغړانده  وساتي .

په جنوب کې يي پښتانه د القاعدې ،ای اس ای او ترهګرې د ملاتړو په توګه له حکومت او ادارې څخه بېل وساتل او د طالب په نامه یې  دبغاوت او طغیان اور ته د پښتنو ویني دتېلو په توګه توی کړې، څومره چې د پښتنو وینې تويدې هغومره د شمال جنګسالارانو په پایپ لاینونو کې ډالر بهېدل .

څومره چې د کابل ادارې ملي ضد رنګونه پیاوړي کېدل هغومره په افغانستان کې د ملي ادارې اډانه سره پاشل کېدله .

خو بالاخره دافغانستان واحد ملت د روان کال د حمل پر شپاړسمه په یوه ملي او مدني حرکت سره نړۍ ته وښوده ،چې د بیګانه ګانو د نیابتي جګړې له ناروا لوټمارانو څخه تر پوزي پوري راغلي دي او په مدني حرکت سره غواړي ، چې دملي ژغورني مدني قیام ثمر ته ورسوي .

خو د سیمي استخاراتو د اوږدې نیابتي جګړې د مردارو ریښو په زور دتزویر یو داسي جال وغوړاوه ، چې بالاخره یومیلیون رايې يې د نیابتي جګړې د رسوا مهرې عبدالله په ګټه استعمال کړې.

د دغو رايو بشپړ شواهد موجود دي ، ایران او پاکستان تر انتخاباتو وړاندي د هغې جعلي ګټې ډنډوره خپره کړي ، چې دعبدالله لپاره پلان شوې وه او بالاخره د پرېمانه پانګې په لګولو سره د حمل د شپاړسمي د ملي حرکت د  انحراف لپاره هلي ځلي وکړې ،چې انشالله د افغان صابر او غیور ملت د صبر ، حیا او مظلومیت په روی څښتن تعالی له ماتي سره مخامخ کړې ده .

پاکستان ولي پر عبدالله عاشق دی؟ د دې عشق کیسه اوږده ده ، دا عشق اصلا هغه سوځنده عشق دی، چې اسلام باد یې د افغان وطن په جغرافیه کي د جنون اولېونتوب ترحده رسولی دی .

که عبدالله ریس جمهورشي به افغانستان کې د پنځو کالو لپاره د جګړې دوام تضمین شوی دی .

که عبدالله ریس جمهور شي، دافغانستان ملي تاسیسات په ملي روحیه نه شي جوړیدلای ، د افغانستان امنیتي او دفاعي موسسې به بې له شکه په سکتریستي او لساني بانډونو باندي واوړي او هیڅوک به ملي ارزښت نه ورکوي او نه به نړۍ  د ملي تاسیساتو په پرستېژ او اهمیت ورته قایله وي .

که عبدالله ریس جمهور شي ،نو د ډېورنډ کرښه به د تل لپاره د پاکستان او افغانستان ترمنځ د یوه رسمي او نړیوال سرحد په توګه ومنل شي .

که عبدالله ریس جمهور شي ، افغانستان به د یوه افغان دولت په توګه بالکل خپل هویت وبایلي. ژبه دهویت ترټولو ستر ارزښت ده ، پښتو ژبه به چې د افغاني هویت رنګ لري له ملي هویت څخه داسي محرومه شي ، چې بیا به یي څوک نوم هم په خوله وانخلي .

که عبدالله ریس جمهور شي د افغانستان ټوله ملي شتمني به د جنګ سالارانو دغنیمت مال وګرزي ، دافغانستان بانګ د۷ملیاردو ډالرو پانګه چې نغده شتمي ده ، داسي ولوټل شی ، لکه رباني ، چې دسګریټو پرکاغذ باندي جنګ سالارانو ته حکم لیکلو چې :

وزارت محترم مالیه !

حواله پنجا ملیون افغاني به قوماندان صاحب اجرا نمایید.

که عبدالله پاچا شي ، دکابل د وزیر اکبرخان پارک اود کابل په زړه کې د زرنګار پارک به  جنګسالارانو ته نومرې شي ،لکه شېرپور چې شېر چور شو.

نور ټول ملي تاسیسات به همداسي وویشل شي ، دکابل هویت به د جګړې دبدنامو بړیڅو ځنګلي شکل خپل کړي .

که عبدالله پاچا شي افغانستان به ګدا شي او د مهاجرتونو لړۍ به یوځل بیا پیل شي افغاني ناموسونوته به په راولپنډۍ او د اسلام اباد پر سړکونو بیا د شهوت د نانځکو په توګه لوبه جوړه شي .

حمید ګل اوس د ملا عمر ترڅېرې د عبدالله جان په څېره کې دپاکستان ستراتیژیک عمق او خلا ارمان ته رسېدل اسان بولي ، نوځکه عبدالله جان د حمید ګل کاندید دی، عبدالله دپنجاب کاندید دی ،عبدالله دغجرو کاندید دی ،عبدالله دفارس د ږیرورو کاندید دی.

هیواد والو دافغانستان ټولو توکمونو،قومونو او درنو ټبرونو ، دانتخاباتو په دوهم پړاو کې دعقلانیت یو داسي مثال وړاندي کړئ، چې ټوله نړۍ پوه شي،چې افغانستان د یوه ملت ملکیت دی او متحد ملت کولای شي ، دکړکېچونو یاغي څپې ارامي کړي.

که په افغانسان کي پښتانه جوړ نشي، ازبک ، تاجک، هزاره ، قزلباش او بلوڅان قطعا نه جوړیږي .

 نو راځئ دیوه متحد ملت په توګه عمل وکړو ، افغانستان وژغورو ، افغانستان وپالو، افغانستان وساتو .

د خپلو نیکونو د درنو هدېرو په خاطر.

د ګلالیو بچو د الاهو په خاطر .

د خپلو ناموسونو د پوړونو او ټکرو په خاطر .

دنښترویبلاګ درنو لوستونکو!

په اشغال شوي هېواد کې ټولټاکنې یوازې دبادار په ګټه ترسره کيږي خو اولس باید ترخپله وسه دملي ګټو په لټه کې وي.

زموږ د اولس لوی قاتل غبرګ عبدالله دلرې او نږدو دښمنانو دګټو په موخه اوس غواړي زموږ دمظلوم خو اتل اولس په سرحاکم شي.

دیادولو ده، چې همدې اولس دښمن غبرګ عبدالله زموږ د نومیالي اولس وينه لاپه ۲۰۰۱ زکال کې یرغلګرو ته وربښلې وه.

غبرګ عبدالله اویونس قانوني  ايساف ته د افغانانو وينه لاپه ۲۰۰۱ زکال کې وربښلې وه

کمال الدين رنځور

په هېواد کې خپرېدونکې د ويسا ورځپاڼې او په انترنت د شمشاد تلويزيون ويبپاڼې داسې اسناد خپاره کړې دي چې له مخې یې په ۲۰۰۱ کال کې د وخت د کورنيو چارو وزير محمد يونس قانوني او د بهرنيو چارو وزير عبدالله عبدالله چې د شورای نظار غړي دي د نړيوالو ځواکونو (ايساف) سره تړون لاسليک کړی دی چې له مخې یې ايساف د افغانستان په خاوره کې هر ډول ځمکني او هوايي بريدونه کولای شي او د ايساف پرسونل که په افغانستان کې جرم وکړي د دې تړون له مخې به هغوی په افغانستان کې نه محاکمه کېږي.
په دې تړون کې راغلي دي چې ((ایساف ځواکونه ازاد دي چې د افغانستان په خاوره او هوا کې هر ډول اقدامات ترسره کړي . )) په تړون کې افغانانو ته هر ډول اوښتی زيان بهرنيو ځواکونو ته بښل شوی دی. په دې استعماري تړون کې راغلي دي چې ((د ایساف او د دوی کسان افغانانو ته د تاوان اوښتلو پر مهال جبرانونکي ندي . ))
دا اوس روښانه شوه چې بهرنيان ولې په سرو سترګو په افغانستان کې جرمونه کوي، کورونه بې اجازې تالاشي کوي، بې ګناه خلک وژني او د زندانونو تورو تمبو ته بې له قانوني مراحلو د پلي کولو بې ګناه افغانان وراچوي. په دې تړون کې راغلي دي چې ((د ایساف غړي د جرمونو پر مهال په افغانستان کې نشي ماحکمه کیدای .)) همدا لامل دی چې بهرني ځواکونه او پرسونل یې په افغانستان کې هر ډول جرمونه بې له دې چې څوک ورسره د تحقيق او محاکمې واک ولري ترسره کوي.
د يادونې ده چې د طالبانو د سقوط په مهال د شورای نظار او د شمالي ټلوالې نورو ګوندونو او غړو د بهرنيو ځواکونو هرکلی وکړ او د ډېرو افغانانو د وژلو په مقابل کې یې په لسګونه مليونونه ډالر تر لاسه کړل.
د امريکايي ليکوال باب ووډ په کتاب کې راغلي دي چې امريکا کابو ټوله شمالي ټلواله په ۷۵ مليونه ډالره واخيسته. په انترنت په يوه خپره شوې ويديو کې د شورای نظار غړي عبدالله عبدالله هم اقرار کړی دی چې له امريکايانو یې ملیونونه ډالره اخيستي دي.
عبدالله عبدالله او ورسره نور ملګرو یې د جهاد په مهال هم د روسانو سره سوله کړې وه او جهاد یې نه کاوه.
دا شرمونکی تړون په داسې حال کې رابرسېره کېږي چې په افغانستان کې د امريکا سره د ستراتيژيک تړون د لاسليک کولو لپاره کمپاين روان دی چې له مخې یې امکان لري امريکا ته په افغانستان کې د اډو جوړولو اجازه ورکړي.

درنو او په موږ ګرانو لوستونکو!

که هوصله او وخت لرئ ددې لاندې لینک په کښېباسلو سره زما یو نظم هم ولولئ:

http://nakhtar.bloguna.tolafghan.com/posts/15778