يوناما:
د زده کوونکو په مسموميت کې د طالبانو د لاس لرلو شواهد نشته
په افغانستان کې د ملګرو ملتو د بشري حقونو دڅانګې مشر (جېمز روډ هاور) وايي، چې دوی تر اوسه پورې داسې نښې نه دي موندلي چې د افغانستان په شمال کې د ښوونځيو زده کوونکې په رښتيا له زهرجنو توکو سره مسمومې شوې وي او نه هم تر اوسه په دغه کار کې د طالبانو د لاس درلودلو کوم ثبوت شته. هاور اندېښنه ښودلې چې ښايي افغان امنيتي ځواکونو له نيول شويو ښځو او زده کوونکو څخه د شکنجې په زور اعتراف اخېستی وي. روډهاور وايی چې محکمه بايد په دې برخه کې څېړنه وکړي.
د جون په ۶ نېټه د افغانستان استخباراتو او کورنيو چارو وزارت په يوه مطبوعاتي کنفرانس کې اعلان وکړ، چې دوی د زده کوونکو د مسموميت په تړاو ۱۵ تنه نيولي چې دوې تنه يې د ښوونځي زده کوونکې دي. دوی وايي چې هېچاته يې شکنجه نه ده ورکړې او په دې برخه کې له دوی سره شواهد شته. د کورنيو چارو وزرات وياند صديق صدیقي وايي چې د سرپل په قضيه کې له (سپرې) څخه کار اخېستل شوی و او د تخار په قضيه کې له کپسولونو څخه.
د روغتيا نړيوال سازمان وايي چې د ۲۰۰۸ کال په قضيه کې يې د زهرو هېڅ نښې نښانې نه دي موندلي. داسې اټکل کېږي چې ښايي زياتره زده کوونکې د هېستري يا عصبي وېرې ښکار شوې وي او په اصل کې دمسموميت هېڅ پېښه نه وي رامنځته شوي. سره له ټولو تر اوسه نه د پېښې رښتينې عاملين څرګند شوي او نه هم دمسموميت رښتيني توکي.
درنولوستونکو!
پورتنی خبر دزخمي افغان لیکنه پخوي هغه لیکنه تاسو په لاندې لینک کې لوستلای شئ :
