امریکایان په افغانستان کې دژنیو کنواسیون پرېکړې ترپښو لاندې کوي

د کندهار د پنجوايي ولسوالۍ په یوه کلي کې يو شمېر کليوالو دعوا کړې چې امريکايي او افغان ګډو ځواکونو دوی اړ کړل ، چې د دوې تر مخې پر هغه لار ورشي، چې ګومان کېده طالبانو ماينونه په کې ښخ کړي وي. د دغه کار موخه دا وه چې ځانته لاره پاکه کړي. د پنجوايي د قومي شورا مرستيال فضل محمود وايي چې د (زنګاباد، موشان او تالقان) د کلو خلکو ټوله ورته دعواکړې ده. که څه هم په پنجوايي کې د افغان ځواکونو قومندان دا خبره ردوي، خو که چېرې دا خبره حقيقت ولري نو دا د ژنېو کنوانسيون څرګند تېری او يو لوی وحشت دی او له دې څخه يو ځل بيا دا تريخ حقيقت څرګندېږي، چې څنګه په افغانستان کې ملکي وګړي د ناټو ځواکونو او طالبانو تر منځ يرغمل شوي دي.

له لوی افغانستان څخه په مننه