سترګې

اوس مې هره شېبه ستا سترګې یادیږي
چې دې هر ځل اړوې را اړولې
زه به هم په سرو اورونو اوړېدمه
####
هغه ستا سترګې می اوس خورا یادیږي
پکې پروت څه عجیبه غوندې تاثیر وو
مخامخ به مې کتلې ورته نشوای
####
کومه ورځ چې به له ما وه خطا شوې
ستا له دومره ښایسته سترګو به یاره
د غضب د اور سکروټې ورېدلې
####
ستا له دومره ښایسته سترګو به یاره
د غصب د اور سکروټې ورېدلې
او له ویرې به زه ټوله لړزیدمه
####
خو ددې سره سره مې بیا یادیږي
په هجران کې یې سوزیږمه او وایم
(سترګې د بې اثره نه دي
لکه د کوډو مرۍ برګې برګې دینه)