د بياض ديوان

          دا کتاب د محمد بياض د شعرونو مجموعه ده، محمد بياض د ١٢٠٠ هـ ق شاوخوا کې په پښتونخوا کې ژوند کړى دى . دا ديوان لومړى ځل په ١٩٥٨ز کال کې چاپ شوى وو او دا ځل د دوهم ځل لپاره د څېړنپوه عبدالله بختانى خدمتگار په زيار چاپ شو .

          دا کتاب په ١٣٨٣ هـ ل کال کې د الفت اکاډمۍ لخوا د دانش په مطبعه کې چاپ شو ، د کتاب په پيل کې د الفت اکاډمۍ د مشر ميرويس الفت لخوا يو يادښت وړاندې شوى دى او بيا وروسته پر لومړى چاپ باندې د جناب مولوي محمد ايوب عليه الرحمه د ليکنې لنډيز چاپ شوى دى . بيا د ((بياض او ديوان ته يې يوه کتنه)) تر سرليک لاندې د استاد محمد اصف صميم ليکنه وړاندې شوى دى . بيا د څېړنپوه عبدالله بختانى خدمتگار سريزه وړاندې شوى دى او وروسته د کتاب اصلى متن پيل کيږي .