سیدکریم خوستی
دا هرساعت چی ژړامه
داهرساعت چی ژړامه جنان زما یادیږې
متون زما یادیږې اوځدران زما یادیږې
دجګو غروسرونه یی قربان شم څو څوځله
منګل زما یادیږې اومیدان زما یادیږې
زما دزړګې سر دي اوزما دسترګو تور دي
تڼې که صبري دی په یو شان زما یادیږې
لکڼ دی که ګربزدی دغه دوه رانه هیر مه کړی
چی ژړام ورپسی یمه پریشان زما دیږې
متون په شانته ښکلې مندوزې اسمعیل خیل می
دا ماته سره ګلاب دی په ایمان زما یادیږې
لږ ښکته تریزې څوګ می لنډر څوګ می صدق دی
دټولونه قربان شم په ما ګران زما یادیږې
ګوګورې یی مزا کی ارنیخیل که تورو اوبو دی
تل غم یی راسره دی په هجران زما یادیږې
منم چی هر نعمت په خوست کی شته دی خدای دډیرکی
خوستی یم متونوال یمه توتان زما یادیږې
