لنډه پیژندګلو
په داسې حال کې چې خداې بخښلې مشر رحیم به تل
د وطن ته د بیرته د ګرځیدو ارمان په زړه کې د ځانه سره ګرځاوو ، د ژوند بیړۍ د مهاجرت په غیږ کې د نامعلومه منزل په
لور خپل مزل پیل کړ ـ دا چې د خداې بخښلې مشر رحیم په ښونه او روزنه مین سړې وو نو
مشتاق رحیم خپل د زدکړې ژوند هم د کوزې پښتونخوا په غیږ کې پیل کړ-
د مهاجرت دوره په اوږدیدو او د ژوند کلونه په
چټکتیا سره پرمخ روان وو چې مشتاق د خپل د ژوند د ټولو نه لویه غمیزه د مشر رحیم د
وفات په شکل ولیده او همدا راز ژوند چې ډیر په اسانتیا پرمخ روان وو د یو لوې خنډ
او ستونزې سره مخامخ شو ـ دا چې مشتاق رحیم د کور مشر اولاد وو نو اړینه وه چې د
کور د مشرۍ لوې بار د ماشومتوب په کلونو کې په اوږه کړي او همد راز د زدکړې دورې
ته د پاې ټکې کیږدي ـ د ۱۹۹۶ کال ددغه غمیزې نه وروسته مشتاق رحیم وکړې شول چې
خپله د ښونځۍ دوره په ۱۹۹۷ کال کې د لرې څخه د زدکړو له لارې ترسره کړي ـ
دا چې د د کورنۍ دپاره د یوې مړۍ ډوډۍ د ګټلو
په هڅو کې بوخت له زدکړو او له قلمه لرې ژوند ته اړ رحیم د ژوند د کړکیچونو سره
لاس او ګریوان وو ، خداې ورته یو څو ملګري د نعمت په توګه ورکړل او ددغه ملګرو په
هڅونه یووار بیا د مشتاق رحیم د قلم او د
کتاب ملګرتیا بیا پیل شوه ـ د درې کلونو د تیارو نه وروسته مشتاق وکړې شول چې د
لرې څخه د زدکړو له لارې خپلې زدکړې بیا پیل کړي او همدا راز د لیسانس سند یې د
پیښور پوهنتون د سیاسي علومو ((Political
Sciences د پوهنځې څخه ترلاسه کړـ وروسته بیا یې همدا راز
په اداره او منیجمنټ کې د پیښور یو شخصي پوهنتون څخه د ماسټرۍ تر کچې خپلې زدکړې
وروسولې ـ ددې ترڅنګ د امریکا د کولمبیا پوهنتون څخه د پراختیاي پروګرامونو په
څانګه کې یوکلنه ډیپلومه هم لري- د مشتاق رحیم د زدکړیالۍ مزل لا اوس هم پرمخ روان
دې او لږه موده وړاندې مشتاق رحیم د افریقاي هیواد ګهانا کې د کوفي عنان د سوله
ساتنې د زدکړو د نړیوال مرکز څخه خپله دویمه ماسټري د کړکیچ ، سولې او امنیت په
برخه کې ترلاسه کړه –
مشتاق رحیم په ۲۰۰۳ کال کې بیرته وطن ته راوګرځید او د تیرو ۹ کلونو په اوږدو کې د بیلا بیلو کورنیو او نړیوالو ادارو سره د هیواد په پراختیاي چارو کې په کار بوخت دې – لوبو سره بې کچه مینه لري او د کرکټ ډیر لیواله دې ـ مات ګوډ شعرونه ، سپورتي مقالې او سیاسي لیکنې کوي ـ د مشي ګن پوهنتون او د پولیسو د نړیوال ژورنال دپاره یې د امنیت او پولیسو په برخه کې مقالې لیکلي دي ـ ددې ترڅنګ چې پښتو یې مورنۍ ژبه ده په دري ، اردو او نګلیسي ژبو روانه خبرې او لیکل کولې شي ـ
