د آنجل ځوړوبی (ابشار) د نړۍ تر ټولو لوړ ځوړوبی دی، چې لوړوالی يې ٩٧٩ مترو ته رسيږي . دغه ځوړوبی د ونزويلا هيواد، د بوليوار ايالت ، د کانايما ملي پارک پۀ لرې پرتو ځنګلونو کې موقعيت لري .
څۀ رنګه چې دغه ځوړوبی پۀ ګڼوځنګلونو کې واقع دی ، د وينزويلا هيواد يې تر ١٩٣٠ لسيزې پورې د هوا لۀ لارې پلټنه نۀ وه کړې نو لۀ همدې امله ناپېژندل شوی پاتې ؤ.
د دې ځوړوبي نوم لۀ (جېمز آنجل) څخه اخيستل شوی ، جېمز آنجل هغه امريکايي پلټونکی ؤ چې خپله الوتکه يې آنجل ځوړوبی ته نژدې پۀ ١٩٣٥ ميلادي کال کې راښکته کړه .
|
|
