غزل لا تر اوسه دې څيره ده په هندارو کې ولاړه هيره نه شوه افسانه ده په هندارو کې ولاړه . د تصوير وجود شليدلی په خمارو نظرونو ...دغه لویه حادثه ده په هندارو کې ولاړه . کاېناتو چې راټولې په خپل ځان کې نه کړې سترګې څه بې رنـــګه فلسفه ده پـه هندارو کې ولاړه . په خوږلنه زنداګۍ که مې د زهرو جام پريوتی لا یې څښم چې څه خوږه ده په هندارو کې ولاړه . وبه نه ساتي ستا حسن په بې هوشه زمانه کې بس همدمره اندښنه ده پـه هندارو کې ولاړه . ستا تصوير کې مې طالبه ټوله شپه سترګې ويدې وې ولې وایې فاصله ده پـــــــــــه هندارو کې ولاړه ........................ طالب منګل
