غزل
چې ساګانې پـــــــه اورونو کې ولاړې
د خدایانو پــــــــــه روحونو کې ولاړې
چې د وينو دارې نــــــه شلېدې په ګوتو
وې تنکۍ چـــاړې زخمونو کې ولاړې
په مدهوش نظر يې پرېوتم پــــه ځمکه
د چـــا سترګې مـــاښامونو کې ولاړې
د قبول توري ذرې،ذرې خدای مه کړه
دعاګانې پـــه لاســـــــــونو کې ولاړې
دنغمو پـــه جــــوش کې پريوتل تارونه
چې سندرې پــــه ســـازونو کې ولاړې
سپينې غـــــــــاړې منارې د سپينو پېغلو
يه طالــــــــــــبه! رواجونو کې ولاړې
طالب منګل
