ثواب زمونږ که د هغوی ډېر شوی
د روژې مياشت ده ګرانې
څوک عبادت
څوک به طاعت او خپل لمونځونه کوي
څوک روژې نيسي څوک نفلونه کوي
څوک هم بښنې ته عذرونه کوي
****
خو هلته ليرې
د همدې نړۍ په ليرې ګوټ کې
له کومه ځايه چې ځلاند ښايسته لمر راخيژي
****
او بيا
بيګاه سپينه سپوږمۍ
له ښکلو ستورو سره
خلکو ته سترګې وهي
****
يو نيم سړی به پيدا کيږي لکه ما ليونی
چې نه روژه
نه عبادت
او نه نفلونه کوي
****
خو ستا د ښکلو غزليزو سترګو
په هر ځل ياد کې به
لوي خداي يادوي
نو ته اوس خپله وايه
چې ثواب زمونږ که د هغوی ډېر شوی .
