غزل

ماتې له یار ســـره وعدې ډېرې شوې

اوښکې له سترګو نه راتلې ډېرې شوې

نن دې پـــــــه شونډو داغ له وینو سره

بېګا مچکې لــه ما درې ډېـــرې شوې

اوس بـه زه هیر وم د جانان له سترګو

پـــه جدایی کې رانـه شپې ډېرې شوې

زه د جانان پـه تصویر خوب وړی وم

شوګیره لږې کـــه ډیوې ډېرې شوې

یو څوک زما پـــــــه نوم دعا هم کوي

یو چا پــــه مـاپسې ښیرې ډېرې شوې

نن سهاره خـوب راپسې سترګې یووړې

بېګاه لـــه هغې نـــه کیسې ډېرې شوې

اوس زه پـــــــه خپل وجود باور نه لرم

سلګۍ لـــــه درد سره سړې ډېرې شوې

طالب منګل