د ولسي جرګې وکیلانو ته ډالۍ

ما د مخه و، لیدلی بس یو کار په دې جرګه کې

ورکوه ورته ډالرې وو دا چار په دې جرګه کې

د جرګې واکدارن نور دي پکې ناست دي

ما لیدلې وو د مخه بل وکدار په دې جرګه کې

ټوپک مار ټوپک سالار او نور پکې دې

ما لیدلی ده ډير کار په دې جرګه کې

چامنډلي وي په پوزه کې لاسونه ډير یې نه وي

څوک نیم ویښ وي نیم ویده وي په قرار په دې جرګه کې

ډيریې وخوړل د دې ولس سرونه او لا خوري یې

مالیدلی لوی ښامار په دې جرګه کې

د فاشیست رهین لپاره بس دوی ښه دي

ځکه نشته دی غم خوار په دې جرګه کې

چې ډالر څوک ورته ورکړي د هغه دي

ما لیدلي رشوت خوار په دې جرګه کې

چې یې عمر وي تیر کړی په ظلمونو

څوک به وکړي څه سم کار په دې جرګه کې

خدایه ته د دې ولس نور سبب وکړې

هیڅ نور نه لري غم خوار په دې جرګه کې

نور نو بس ده  زمونږ نشته کومه هیله

بس روان دې وي بنډار په دې جرګه کې

آرین تل لاس په دعا کوي ښیراوې

خدایه خوار کړې دغه خوار په دې جرګه کې