ښاغلی انجنیر محمد فرید"عاطف" د الحاج معلم ولایت خان زوی د نن څخه کابو ۳۴ کاله وړاندي د ننګرهار ولایت،چپرهار ولسوالۍ د غورآباد په کلي کې دي نړۍ ته سترګي غړولې دي.

پر افغانستان د پخواني شوروي اتحاد  تر یرغل وروسته پر کال ۱۳۶۶ هجري لمریز کې ښاغلی عاطف د ډیرو نورو وطنوالو په څیر ګاونډي هیواد پاکستان ته مهاجر شو.

لومړنۍ ،منځنۍ او ثانوي زده کړې یې په ترتیب سره د الهجرت والجهاد په دیني مدرسه،سیدجمال الدین افغان او التقوی لیسو کي پر کال ۱۳۷۳ هجري لمریز کې د بشپړتیا تر پولي رسولي دي.

د همدي کال د کانکور د ازموینې په پایله کي د ننګرهار پوهنتون د انجنیري پوهنځي ته بریالی او د پوهنتون د پنځه کلني دوري له بشپړتیا وروسته یې په کال ۱۳۷۹ هجري لمریز کې د سیول انجنیري په برخه کې د لسانس په کچه د بري پاڼه خپله کړه.

دندې او کړنې:

ښاغلی عاطف تر دي مهاله د یوه افغان انجنیر په صفت د هیواد په مختلفو برخو کي له لاندي یو شمیر  دولتي او نا دولتي ادارو سره د ګران افغانستان د بیا رغونې په چارو کي خپله فعاله ونډه ترسره کړي ده:

  • اریا(AREA)

  • انټرساس(Inter SoS)

  • کوه نور فاونډیشن(BRAC Afghanistan)

  • برک-افغانستان

  • د ملګرو ملتونو پرمختیایي اداره

  • ARC Gariz

ښاغلي عاطف اوس مهال د مخدره توکو پرضد د مبارزي وزارت د بدیل معیشت پروګرام په چوکاټ کي د ننګرهار ولایت کي پر دنده بوخت دی.

ترینینګونه او ورکشافونه:

  • د META  اداري لخوا د مین پاکي  اړوند ورکشاف–جلال اباد

  • د META  اداري لخوا د ادارې او لیډرشیپ ورکشاف-جلال اباد

  • د کلیو د پراختیا وزارت لخوا دتهیه او  تدارکاتو (procurement ) ورکشاف-جلال اباد

  • د ملي پیوستون پروژي په همکارۍ د انجنیرانو د تخنیکي پوهي د لوړتیا ورکشاف

  • د BRAC-Afghanistan  اداري په مرسته د لمر د انرژي Solar Energy  ورکشاف

  • د BRAC-Afghanistan  اداري په مرسته د اوبو د انرژي  Hydro Power  ورکشاف

  • د اوبو رسولو water supply  دري اونیز ورکشاف

ښاغلی عاطف د مسلکي زده کړو سربیره د کمپیوټر له بیلابیلو پروګرامونو سره اشنائي لري چي په مسلکي برخه کې Auto CAD,3D Home, SAP اوپه غیرمسلکي برخه کې  د Ms.Office پروګرامونه د یادولو وړ دي.

ښاغلی عاطف د خپلي مورنۍ ژبي پښتو سربیره په دري او انګلیسي ژبو رواني خبري او ژباړي کوي.

لاسته راوړني:

  • ښاغلي  عاطف د نن څخه کابو دري کاله وړاندي د هندي لیکوال سوشیل کمار “Sushal Kumar”د نامتو کتاب Treasure of RCC Designs ژباړي ته  لیڅې راو نغښتي چي د څښتن تعالی په مرسته او خپل کلک هوډ  سره یې نومړی کتاب له انګلیسي څخه پښتو ژبي ته په ۵۴۱ پاڼو کي  وژباړه چي دا يې د خپل مسلک ،ژبي او ګران هیواد سره د پوره، کلکې او تلپاتې مینې نښه ده.

 

له څښتن تعالی څخه انجنیر محمد فرید ته د لا زیاتو بریاوو او پیرزوینو هیله کوم.

په فکر قلم او ځوانۍ یې برکت!

 خلیل الله "مایار"

مقر