شیبه لکه شبنم چیري د ګل په غیږ کې پروت واي
یا ګل لکه د ښکلو د کاکل په غیږ کې پورت واي
کاش وړانګي يې د حسن له هرچا ما پټولي
پلو د یار دمخ واي د اوربل په غیږ کې پروت وای
باګرام د ښکلا ګانو مې ولکه کې تل ساتلاي
تیمور د کندهار واي د کابل په غیږ کې پروت واي
ویشتلي د یار سترګو واي د غشو په بڼو تل
پرهر لکه زړګي واي د ګوګل په غیږ کې پروت وای
ځلانده که خواږه مې د وصال په نصیب نشته
لمبه واي لکه شمعه د محفل په غیږ کې پروت وای
02.12.2010
- ډاکتر فیض محمد ځلاند
د انتظار شمعې به مړې کړم که جانان مې راشي
ډیوې د سترګو به ویدي کړم که جانان مې راشي
ته څه خبر يې چې په مات زړګي مې څه تیریږي
هیري به ټولي حادثې کړم که جانان مې راشي
ستا د توبې ولچک به مات کړم د زړګی له لاسو
خمار ته جوړي به بهانې کړم که جانان مې راشي
څو بدرګه پیغلي د اوښکو تل ستا لاره څاري
ډیرې به نوري میلمنې کړم که جانان مې راشي
خیرکه هنداره د جانان سینګار ته ماته نشوه
زه به دا زړه ورته ټوټې کړم که جانان مې راشي...
02.12.2010
- ډاکتر فیض محمد ځلاند
که سر مې ښکته کړم له تیګې به صنم جوړ شي
ستا له اقراره به جانانه زما قسم جوړ شي
زه د سیلا ب په شاني لاره جوړولایشم خو
کاش چې جانانه په دې لاره ستا قدم جوړشي
څومره په زغرده ګله وايې چې پروا مې نشته
له تانه وروسته به کو م بل چا نه شبنم جوړ شي
زه ستا په مینه کې د خدای په نامه زهر څکمه
ګوندي ستا مینه کې له زهرو نه زم زم جوړ شي
ځمکه ، اسمان ، ستورې ،سپوږمي او لمر خوټول ستا دي
اوس په هر څه کې یاره ...
