مینه سرکې څه آسانه غوندي ښکاري
رسوَل یي سرته ګرانه غوندي ښکاري
نه هغه راځي، نه زه ورځم تپوس له
داخبره خوڅه ورانه غوندي ښکاري
زړه کې وایي چي لاهغسي ژوندی دی
ماچي وویني حیرانه غوندي ښکاري
معلومیږي چي مي خیردزړګي نشته
نن په ماچې مهربانه غوندي ښکاري
دلته شته دی دمجنون دپښوخاپونه
داصحراراته ودانه غوندي ښکاري
مشغولالره یې راشه دیارخیاله
زړه مي ستړی اوستومانه غوندي ښکاري
ستادیدن ځکه دسرپه قیمت اخلم
داسوداراته ارزانه غوندي ښکاري
هغه روح چې دمحفل دی څوک خبرکړئ
مجلسونه ،څه بي جانه غوندي ښکاري
تصوردي داسراردلاري مل شو
لاردژوندځکه روښانه غوندي ښکاري